Haar Gaya Tann Mann Pukar Kar Tumhe… -Dr. Km Vishwas

Haar Gaya Tann Mann Pukar Kar Tumhe
Kitne Ekaaki Hain Pyar Kar Tumhe

Jis Pal Haldi Lepi Hogi Tan Par Maane
Jis Pal Sakhion Ne Saunpi Hongi Saugaatein
Dholak Ki Thapon Mein Ghungroo Ki Runjhun Mein
Ghul Kar Faili Hongi Ghar Mein Pyari Baatein
Us Pal Meethi Si Dhun Soone Kamre Mein Sunn
Roye Mann Chausar Par Haar Kar Tumhe
Kitne Ekaaki Hain Pyar Kar Tumhe

Kal Tak Jo Humko Tumko Milwa Deti Thi
Un Sakhion Ke Prashno Ne Toka Tho Hoga
Saajan Ki Anjuri Par Anjuri Kaanpi Hogi
Mere Sudhion Ne Rasta Roka To Hoga
Us Pal Socha Mann Mein Aage Ab Jeevan Mein
Jee Leinge Hass Kar Visaar Kar Tumhe
Kitne Ekaaki Hain Pyar Kar Tumhe

Kal Tak Jin Geeton Ko Tum Apna Kehti Thi
Akhbaaron Mein Padhkar Kaisa Lagta Hoga
Saavan Ki Raaton Mein Saajan Ki Baahon Mein
Tan To Sota Hoga Par Mann Jagta Hoga
Us Pal Ke Jeene Mein Aansoo Pee Lene Mein
Marte Hain Mann Hi Mann Maarkar Tumhe
Kitne Ekaaki Hain Pyar Kar Tumhe..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s