“Karm…”

“Aurat ne janam diya mardon ko…
Mardon ne usey bazar diya…”

Advertisements

“Aao Ki Koi Khwab Bunen Kal Ke Waste…”

Aao ki koi khwab bunen kal ke waste

Warna ye raat aaj ke sangin daur ki

Das legi jaan o dil ko kuchh aaise ki jaan o dil

Ta-umr phir na koi hasin khwab bun saken

Go hum se bhagti rahi ye tez-gam umar

Khwabon ke aasare pe kati hai tamam umar

Zulfon ke khwab honton ke khwab aur badan ke khwab

Mearaj-e-fan ke khwab kamal-e-sukhan ke khwab

Tahzib-e-zindagi ke farogh-e-watan ke khwab

Zindan ke khwab kucha-e-dar-o-rasan ke khwab

Ye khwab hi to apni jawani ke pas the

Ye khwab hi to apne amal ki asas the

Ye khwab mar gae hain to be-rang hai hayat

Yun hai ki jaise dast-e-tah-e-sang hai hayat

Aao ki koi khwab bunen kal ke waste

Warna ye raat aaj ke sangin daur ki

Das legi jaan o dil ko kuchh aaise ki jaan o dil

Ta-umr phir na koi hasin khwab bun sakin