“kashmkash-e-zindagi…”

Tang aa chuke hai kashmkash-e-zindagi se hum…
Thukra na de jahan ko kahi be-dili se hum…

Advertisements

Rang bhar do…

Meri jaan tujhpe sadke, ehsaan itna kar do…
Meri zindagi me apni chaahat ka rang bhar do…

“Aao Ki Koi Khwab Bunen Kal Ke Waste…”

Aao ki koi khwab bunen kal ke waste

Warna ye raat aaj ke sangin daur ki

Das legi jaan o dil ko kuchh aaise ki jaan o dil

Ta-umr phir na koi hasin khwab bun saken

Go hum se bhagti rahi ye tez-gam umar

Khwabon ke aasare pe kati hai tamam umar

Zulfon ke khwab honton ke khwab aur badan ke khwab

Mearaj-e-fan ke khwab kamal-e-sukhan ke khwab

Tahzib-e-zindagi ke farogh-e-watan ke khwab

Zindan ke khwab kucha-e-dar-o-rasan ke khwab

Ye khwab hi to apni jawani ke pas the

Ye khwab hi to apne amal ki asas the

Ye khwab mar gae hain to be-rang hai hayat

Yun hai ki jaise dast-e-tah-e-sang hai hayat

Aao ki koi khwab bunen kal ke waste

Warna ye raat aaj ke sangin daur ki

Das legi jaan o dil ko kuchh aaise ki jaan o dil

Ta-umr phir na koi hasin khwab bun sakin

‘Aurat’ To Sar Ka Taaj Hai…”

Ab Waqt Aa Gaya Hai Ke Mil Kar Yeh Pukaara Jaaaye…

‘Aurat’ To Sar Ka Taaj Hai, Isse Yuhi Sawaara Jaaaye…

 

Aakhir Kya Ho Raha Hai Aaj Humari Soch-Samaj Ko…

Ab Waqt Aa Gaya Hai, Khud Ko Aaene Men Utaara Jaaye…

 

Ek Maa, Ek Beti, Ek Patni, Aur Naa Jaane Kitne Roop Hai…

Ek Aurat Ki Tasveer Ko Pehle Dil Se Nikhaara Jaaye…

 

Kabhi Aam Aadmi, Kabhi Neta, Kabhi Koi Dharam Guru…

Jo Aurat Ko Izzat Dena Naa Jaane, Unhe Dhutkaara Jaaye…

 

Aaj Hum Ekisvi Sadi Men Hai Par Phir Bhi Surakshit Nahi…

Kya Aaj Bhi Mujrim Aankhon Ke Saamne Se Awaara Jaaye…

 

Zulm Karna Gar Gunaah Hai To Zulm Sehna Bhi Guunah Hai…

Ghinoni Harkat Men Kyun Maara, Kisi Ke Aankh Ka Taara Jaaye…

 

Yaro Gar Aurat Ko Izzat Naa De Sako To Tum Insaan Nahi…

Soch Ko Badlo, Sabse Pehle Yahana Khud Ko Sudhaara Jaaye…