“khud –khushi se pehle…”

Uf ye bedard siyahi ye hawa ke jhonke

Kis ko malum hai is shab ki sahar ho ki na ho

Ek nazar tere dariche ki taraf dekh to lun

Dubti aaankhon mein phir tab-e-nazar ho ki na ho

Abhi raushan hain tere garm shabistan ke diye

Nil-gun pardon se chhanti hain shuaen ab tak

Ajnabi banhon ke halqe mein lachakti hongi

Tere mahke hue baalon ki ridaen ab tak

Sard hoti hui batti ke dhuen ke hamrah

Hath phailae badhe aate hain ojhal sae

Kaun ponchhe meri aaankhon ke sulagte aansu

Kaun uljhe hue baalon ki girah suljhae

Aah ye ghaar-e-halakat ye diye ka mahbas

Umar apni inhi tarik makanon mein kati

Zindagi fitrat-e-be-his ki purani taqsir

Ek haqiqat thi magar chand fasanon mein kati

Kitni aasaishen hansti rahin aiwanon mein

Kitne dar meri jawani pe sada band rahe

Kitne hathon ne buna atlas-o-kamkhwab magar

Mere malbus ki taqdir mein paiwand rahe

Zulm sahte hue insanon ke is maqtal mein

Koi farda ke tasawwur se kahan tak bahle

Umar bhar rengte rahne ki saza hai jina

Ek do din ki aziyyat ho to koi sah le

Wahi zulmat hai fazaon pe abhi tak tari

Jaane kab khatm ho insan ke lahu ki taqtir

Jaane kab nikhre siyah-posh faza ka jauban

Jaane kab jage sitam-khurda bashar ki taqdir

Abhi raushan hain tere garm shabistan ke diye

Aaj main maut ke ghaaron mein utar jaunga

Aur dam todti batti ke dhuen ke hamrah

Sarhad-e-marg-e-musalsal se guzar jaunga

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s