“Khoon fir Khoon hai…”  

 

Zulm phir zulm hai badhta hai to mit jata hai

Khoon phir Khoon hai Tapkega to jam jaega

Khak-e-sahra pe jame ya kaf-e-qatil pe jame

Farq-e-insaf pe ya pa-e-salasil pe jame

Tegh-e-be-dad pe ya lasha-e-bismil pe jame

Khoon phir Khoon hai Tapkega to jam jaega

Lakh baithe koi chhup-chhup ke kamin-gahon mein

Khoon Khud deta hai jalladon ke maskan ka suragh

Sazishen lakh udati rahin zulmat ki naqab

Le ke har bund nikalti hai hatheli pe charagh

Zulm ki qismat-e-nakara-o-ruswa se kaho

Jabr ki hikmat-e-parkar ke ima se kaho

Mahmil-e-majlis-e-aqwam ki laila se kaho

Khoon diwana hai daman pe lapak sakta hai

Shoala-e-tund hai khirman pe lapak sakta hai

Tum ne jis Khoon ko maqtal mein dabana chaha

Aaj wo kucha o bazar mein aa nikla hai

Kahin shoala kahin nara kahin patthar ban kar

Khoon chalta hai to rukta nahin sanginon se

Sar uthata hai to dabta nahin aainon se

Zulm ki baat hi kya zulm ki auqat hi kya

Zulm bas zulm hai aaghaz se anjam talak

Khoon phir Khoon hai sau shakl badal sakta hai

Aisi shaklen ki mitao to mitae na bane

Aaise shoale ki bujhao to bujhae na bane

Aaise nare ki dabao to dabae na bane

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s