“Ye Lamhe….”

Ye lamhe ye yaade ankho me basa ke,

Tum to chale jaoge apne din ajmake,

Teri yaad reh jayegi in nam ankho me,

Tere pyar bhare jajbat chalak ayenge tanha rahon me…….

 

Wo yaro ki batein,wo apas ka pyar,

Kbi mithi to kbi kadwi si takrar,

Wo roommate se jhagadna,

Phir uspe hak se rob jhadna,

Wo warden “pushpa or mangu” ki dant,

Phir unpar makkhan bhari baton ki barsat,

 

Wo rat rat bhar gappe ladana,

Or class me late attendance lagwana,

Class me lectures se jyada teachers ki harkaton pe dhyan dena,

Or flat pe wapas akar unki khilli udana,

Wo exam ke 1 din pehle “Quantum” ke liye jhagadna,

Or na chahte hue bi doston ke ache marks ane pe khush hona,

 

Wo sixth sem ke result ka ana,

Or ek taraf supersenior hone ki khushi..

 

To dusri taraf college chodne ke gam ka satana.,

Ankho me chalke ansu or hothon ki muskan kam,

Ye sb yaad kr lena tum,

Jab kbi lage tumhe apne jivan me hasin pal kam…

Advertisements

“nostalgia…raah dekhi thi naa jane kabse…”

raah dekhi thi is din ki kabse
aage ke sapne saja rakhe the naajane kab se
bade utavle the yahaan se jaane ko
zindagi ka agla padaav paane ko
par naa jane kyon ..dil mein aaj kuch aur aata hai
waqt ko rokne ka jee chahta hai
jin baton ko lekar rote the
aaj un par hansi aati hai
na jaane kyon aaj un palon ki yaad bahut aati hai

kaha kart tha ..badi mushkil se chaar saal seh gaya
par aaj kyon lagta hai ki kuch peeche reh gaya

kahi ankahi hazaaron batein reh gayi
na bhoolne wali kuch yaadein reh gayi

meri taang ab kaun kheencha karega
sirf mera sir khane kaun mera peecha karega

jahaan 2000 ka hisaab nahin wahaan 2 rupay ke liye kaun ladega
kaun raat bhar saath jag kar padega

KAUN MERA lunch mujse pooche bina khayega
kaun mere naye naye naam banayega

mein ab bina matlab kis se ladoonga
bina topic ke kisse faalto baat karoonga

kaun fail hone par dilasa dilayega
kaun galti se number aane par gaaliyaan sunayega

greenwood mein slice kis ke saath piyoonga
wo haseen pal ab kis ke saath jiyoonga

aise dost kahaan milenge
jo khai mein bhi dhakka de aayein
par fir tumhein bachane khud bhi kood jayein

meri ghazlon se pareshaan kaun hoga
kabhi muje kisi ladki se baat karte dekh hairaan kaun hoga

kaun kahega chadhe tere joke pe hansi nahin aai
kaun peeche se bula ke kahega..aage dekh bhai

carrom mein kiske saath kheloonga
kis ke saath boring lectures jheloonga

professors ke PJ par RAKSHAS ki tarah kaun hansega
“pugai mein haarne wale ki treat”..is chakkar mein ab kaun fansega

mere certificates ko raddi kehne ki himmat kaun karega
bina dare sachi raay dene ki himmat kaun karega

stage par ab kis ke saath jaoonga
juniors ko faltoo ke lectures kaise sunaonga

achanak bin matlab ke kisi ko bhi dekh kar paglon ki tarah hansna
na jaane ye fir kab hoga
keh do doston ye dobaara sab hoga

doston ke liye professor se kab lad payenge
kya hum ye fir kar payenge

raat ko 2 baje paranthe khane kaun jayega
3 gilaas lassi peene ki shart kaun lagayega

kaun muje mere kabiliyat par bharosa dilayega
aur jyada hawa mein udne par zameen pe layega

meri khushi mein sach mein khush kaun hoga
mere gam mein muj se jyada dukhi kaun hoga

meri ye kavita kaun padega
kaun ise sach mein samjega

bahut kuch likhna abhi baaki hai
kuch saath shayad baaki hai

bas ek baat se dar lagta hai doston
hum anjnabi na ban jayein doston

zindagi ke rangon mein dosti ka rang feeka na pad jaye
kahin aisa na ho doosre rishton ki bheed mein dosti dum tod jayye

zindagi mein milne ki fariyaad karte rehna
agar na mil sakein to kam se kam yaad karte rehna

chahe jitna hanslo aaj mujh par
mein bura nahi manooga
is hansi ko apne dil mein basa loonga
aur jab yaad aayegi tumhari
yahi hansi lekar thoda muskura loonga

“Who college k din…”

Kuch baate bhuli hui, kuch pal beete hue…

Har galti ka ek naya bahana, or fis sbki nazar me aana…

Exam ki puri raat jagna, fir bhi sawal dekh k sar khujana…

 

Mauka mile to class bunk marna, fir dosto k saath canteen jana…

Uski ek jhalak dekhne roz college jana, usko dekhte dekhte attendance bhul jana…

 

Hal pal hai naya sapna, aaj jo tute fir bhi hai apna…

Ye college k din, inn lamho me zindagi jee bhar k jina…

Yaad karke inn palo ko zindagi bhar muskurana…

 

“Hostel ke Din, Maa ke Bin…”-Aditya Singh

Hostel k din, maa k bin..

Neend bahot aati hai padhte padhate..

Maa tu hoti to keh dete ki ek cup chai bna de..

 

Thak gye hai mess ki roti kha kha ke,

Maa tu hoti to keh dete ki parathe bna de…

 

Bandh gye hai room ki char diwari me,

Maa tu hoti to kehti zara bahar ghum se..

 

Wohi koshish roz khush rehne ki,

Maa tu hoti to muskura lete..

 

Parehsaniyaan to bahot hai yaha,

Maa tu hoti to the bi batate or the bi rula dete…

 

Bahot door nikal aaye hai ghar se,

Maa tere sapno ki parwah naa hoti to kb se ghar chale aate..

 

Aaye hai ghar se door, sirf yahi soch kar inn pareshaniyo ke baad…

Maa-Papa ko duniyaan ki har khushi dila de…

-Aditya Singh

“Kaash ! 4 saal B.tech k dubara wapas aa jaaye….”-Aditya Singh

Nye-nye se aaye the, ek duje se anjaane..

Khulkar milne me bhi, hm sb the thoda sochte..

Naam puchte batlaate the, fir thoda sa muskurate the..

Apne komal mann se, apne bhav jagaate the..

 

Subah-subah uth kr mess me line jo lagate the..

Tbhi ek dusre ka haal chaal puch lete the..

Fir kuch dino baad flat se college tk sang me jaate the..

Raaste me padne wale jagat farm se t-point pe ladkio ko dekh kr jor-jor se chillate the..

 

Har assignment chap-chap kr, apna gyan badhaya hai..

Or kuch aaya ho ya naa aaya ho, cheating krna bakhubhi aaya hai..

Pehle jaane wale auto me, lad-lad kr college se aaya karte the..

Uss chidiyaa ghar jaise kamre me aaram se so jaya karte the..

 

Mass bunk, proxy k jariye, padhakuwo ko gadhe-ghode ka farak samjhaya..

College na jaane par bhi, class k top-5 me aaya..

 

Kuch k naam bigade, kuch ki mauj udaayi…

Dosto k bday pe, use lato se marne pe bhi dawat khayi…

SOM,TOM,DOM…ki class me hm kharrate khub lagate the…

Indika mam ko dekh kr, mann hi mann ghabrate the..

Matbedh kbi jo badh gye, khud hi suljhate the..

 

Ek duje se ghul mil k mohal mast banate the…

Sutte pe sutta hm khoob udaate the..

Har khushi k mauke pr beer hi beer udate the..

Semester exam aane par, khud ko raat raat bhar jagaya tha..

Samjh ni aane par..

“mjhko padhne de bey..” ka nara bi khub lagaya tha..

 

Ab placement tym aaya tha, tension ko sang me laya tha…

Raat raat ghiste the, fir kahi ek me ho paya tha…

Kuch or ki bi lag gayi, kuch ki lagne wali thi…

Naukari ki chinta q karte the, wo to apni gharwali thi…

Aaj ni to kal khud chalk r aane wali thi..

Aaj bhale thodi ruthi ho jra, kl maan hi jaani thi…

Kuch to Microsoft, kuch ko TCS mil hi jaani thi…

 

Ye mauj masti ki zindagi, fir naa kabhi aani hai…

4 saal jiwan k ye, sbse mast pal kahlaenge…

Biwi hogi bache honge, unko khub bataenge….

4 saal jiwan k yaaro, wapas kbi naa aaenge…

“Who pal…”-Aditya Singh

Hum college se door jaa rhe hai..

Shayad hme wo pal yaad aa rhe hai..

Jo humne bitaye ek saath..

Khoke yaa lecture me..

Yaad aa rhe hai…wo seats ka tutna…

Kisike ke bday yaa commitment pe usko lutna..

 

Apni har buri baat pe professors ko rokna..

Or wo kbhi apne best friend ka ruthna..

College ke pehle din wo lecture me jana…

Baad me bahane bana banakr canteen me so jana..

Lunch ka wo time hote hi, ek dusre k saath college se bahar bhagna..

Aur kisi ko aas paas naa paake honey singh vol 1 gana..

 

Semester exams aate hi, wo dhadkano ka tej ho jana..

Shayad hum college ko bhool naa paaye..

Bahot mumkin hai ki isse door jaate hue hamari aankhein bher aaye..

Par aage badhna hi hamara kaam hai..

Qki kuch kar dikhana hi zindagi kaa naam  hai..

Dikha dena hai sabko, ki professors ne hme-hme kya-kya sikhaya..

College me aa kar hmne kya kya nahi paya…