mili havaaon mein udne ki wo sazaa yaaron – Waseem Barelvi  

mili havaaon mein udne ki wo sazaa yaaron

ki main zameen ke rishton se kat gayaa yaaron

wo bekhayaal musaafir main raastaa yaaron

kahaan thaa bas mein mere usko roknaa yaaron

mere qalam pe zamaane ki gard aisi thi

ki apne baare mein kuchh bhi na likh sakaa yaaron

tamaam shehr hi jis ki talaash mein gum thaa

main us ke ghar ka pataa kis-se puuchhtaa yaaron…

Advertisements