“Ek waqt tha jb tum thi, or kuch na tha… Aaj sb kuch hai, par tum nahi…”

Kuch beete palo ko yaad karna or unhe likhna to nahi chahta tha…

Par sukoon milta hai do lafz kaagaz par utaar kar, cheekh bhi leta hoon or awaaz bhi nahi hoti…

Ek wo beeta huwa waqt tha jb bs wo thi or kuch bhi nahi, or shayad kuch naa hone ki wajah se wo bhi saath naa rahi… Waqt lagta hai sb kuch paane me, aasani se kuch ni milta kabhi… uski bhi majburiyan rahi hongi… ab koi shikwa nahi hai, koi dard bhi nahi… jitna chahiye sb kuch mil rha hai, par wo saath hoti to zindagi kuch or hoti… Sab kuch hai bs wo nahi…

Par ab ghamo’n ko aabru apni, khushi ko gham samajhta hu… Jinhe koi nahi samjha, unhe bas main samjhata hu…

Kashish zinda hai meri chahato’n me janejaa’n qki… Mujhe tum kam samjhati thi, ab tumhe main kam samjhata hu…

Advertisements

Kaise kahe tumse ki hum galat nahi the, waqt galat tha…

“Kaise kahe tumse ki hum galat nahi the, waqt galat tha…Kaise kahe tumse ki iraade galat nahi the, unka anzaam galat tha…

Kaise kahe tumse ki jhagde galat nahi the, unko badhana galat tha…

Kaise kahe tumse ki ishq-e-jajbaat galat nahi the, umeed ka sapna galat tha…

Kaise kahe tumse ki dil galat nahi the, unka dhadkna galat tha…
Kaise kahe tumse haath galat nahi the, unka milna galat tha…

Kaise kahe tumse hum galat nahi the, waqt galat tha…”

Ek adhure kalam se…

“wo mere paas baith kar bahot baate batati rehti, jo main kbhi sun na bhi nahi chahta tha wo bhi batati rehti, duniya bhar ki baate… Use bhi pata tha ki main kuch sun na nahi chahta fir bhi sb batati rehti, main bhi beech beech me dhyan de diya karta tha… Shayad use achaa lagta tha kisi apne se sari baate batana, or fir sunte sunte mera bhi dil halka ho jata or wo baate karti karti nahi thakti…”

wo ek din they jab shayad sukoon uski hi baaton se milta tha or aaj ek din hai jab sukoon sirf sannate se milta hai, na koi awaaj naa koi shor… Shhhhhh

 

“Tum to mard ho, tum keh sakte ho…”

Shaadi ki pehli raat, usne uska ghunghat utha kar kaha…Suno ye shaadi zabardasti hui hai, main kisi or ko chahta tha lekin mere ghar wale razi nahi they… main unse lad nahi paya, 

Tumse shaadi meri mazboori thi, shayad me tumhe zindagi me wo pyaar na de paunga… Jiski tum haqdaar ho…

Ye keh kar wo utha or dusre kamre me chala gya…

wo waha gumsum baithi khali kamre ko dekh rahi thi…

Uske dil me bhi aaya hoga ki zor -zor se cheekh kar bolu-

Sirf tum nahi, main bhi kisi ko dil-o-jaan se chahti thi…

Zindagi guzarana chahti thi uske saath, lekin ghar wale raazi nahi they…

Main bhi haar gayi or tumse shaadi kar li,

“tum to mard ho, tum to keh sakte ho…”

Magar main kis’se kahu?

Jazbat they ki lafzon ka bandhan todna chah rahe they…

Jaise keh rahe ho, ye chup ki riwayat tod du… Aaj tod du…

Magar halak tak aate aate lafzon ne aansuon ki shakal le li…

Awaaz dum tod gayi lekin riwayat na toot saki…

 

#ek_kahani_uski_bhi

Baat tab ki hai jab unn dono ki aankhein pehli baar ek dusre se mili… 
Bas fir kya jaise hi aankhein jhuki, ek nayi kahani shuru hui…

Unn dono ko ek dusre ki baatein bahot achi lagti… wo uske saath baith kar raat bhar baatein karti… bahot kuch batati or bahot kuch sikhati thi…

Zindagi aage badh rahi thi, or unka pyaar bhi…

Par jab wo usse door uske hi liye apni zindagi ki pehli dehleez pe kadam rakh raha tha, wo use aakhri baar gale lagate hui boli… main tmhare liye bahot khush hu…

Par uska behta huwa kajal kuch or hi bayaan kar rha tha…

To be continued…
Because if the end is sad, its not the end…

Aditya