Sath chal sako to chalo…

Tez hai raftar meri, sath chal sako to chalo!

Thakhti ni tez duphari main bhi, dhup sah sako to chalo!

Irado ka to pata ni, pr pagalpan sawar hai,

Us pagalpan ko samjh sako, to chalo!

Bhukh hai jeene ki mujhe, zindagi utani jee sako to chalo!

Rukti nahi tez tufan main bhi, kadam badha sako to chalo!

Chahte asaman main udh jane ki hai,

Un chahto ko pankh de sako, to chalo!

Safar hai zindagi mere liy, lagatar isme chal sako to chalo!

Darti nahi tez nadhi ki dhara main bhi, Saath utna bah sako to chalo!

Dekhna hai nadhi kitni gahari hai,

Mere sath uski gahrai naap sako to chalo!

Ek pal hi hai zindagi, Agle pal ki tammana na kro to chalo!

Ek din katam hona hi hai, ye jaan sako to chalo!

Har pal akhiri samjh k jeena hai

Agle pal khush ho kar katam ho sako to chalo!

  • By:: Vaidika Saxena
Advertisements

“Ek Mulaqat…”

Teri tadap se na tadpa tha mera dil lekin

Tere sukun se bechain ho gaya hun main

Ye jaan kar tujhe kya jaane kitna gham pahunche

Ki aaj tere khayalon mein kho gaya hun main

Kisi ki ho ke tu is tarah mere ghar aai

Ki jaise phir kabhi aae to ghar mile na mile

Nazar uthai magar aisi be-yaqini se

Ki jis tarah koi pesh-e-nazar mile na mile

Tu muskurai magar muskura ke ruk si gai

Ki muskurane se gham ki khabar mile na mile

Ruki to aaise ki jaise teri riyazat ko

Ab is samar se ziyaada samar mile na mile

Gai to sog mein Dube qadam ye kah ke gae

Safar hai shart sharik-e-safar mile na mile

Teri tadap se na tadpa tha mera dil lekin

Tere sukun se bechain ho gaya hun main

Ye jaan kar tujhe kiya jaane kitna gham pahunche

Ki aaj tere khayalon mein kho gaya hun main

  “Ahl-e-dil aur bhi hain…”  

Kya hua gar mere yaron ki zabanen chup hain

Mere shahid mere yaron ke siwa aur bhi hain

Ahl-e-dil aur bhi hain ahl-e-wafa aur bhi hain

Ek hum hi nahin duniya se khafa aur bhi hain

Hum pe hi khatm nahin maslak-e-shorida-siri

Chaak-dil aur bhi hain chaak-qaba aur bhi hain

Sar salamat hai to kya sang-e-malamat ki kami

Jaan baqi hai to paikan-e-qaza aur bhi hain

Munsif-e-shahr ki wahdat pe na harf aa jae

Log kahte hain ki arbab-e-jafa aur bhi hain

  “Ahl-e-dil aur bhi hain…”  

 

Kya hua gar mere yaron ki zabanen chup hain

Mere shahid mere yaron ke siwa aur bhi hain

Ahl-e-dil aur bhi hain ahl-e-wafa aur bhi hain

Ek hum hi nahin duniya se khafa aur bhi hain

Hum pe hi khatm nahin maslak-e-shorida-siri

Chaak-dil aur bhi hain chaak-qaba aur bhi hain

Sar salamat hai to kya sang-e-malamat ki kami

Jaan baqi hai to paikan-e-qaza aur bhi hain

Munsif-e-shahr ki wahdat pe na harf aa jae

Log kahte hain ki arbab-e-jafa aur bhi hain

  “Ai sharif insano…”

 

Khoon apna ho ya paraya ho

Nasl-e-adam ka khoon hai aakhir

Jang mashriq mein ho ki maghrib mein

Amn-e-alam ka khoon hai aakhir

Bam gharon par girin ki sarhad par

Ruh ta-umr zakhm khati hai

Khet apne jalen ki auron ke

Zist faqon se tilmilati hai

Tank aage badhen ki pichhe haten

Kokh dharti ki banjh hoti hai

Fath ka jashn ho ki haar ka sog

Zindagi mayyaton pe roti hai

Jang to khud hi ek masala hai

Jang kya masalon ka hal degi

Aag aur khoon aaj bakhshegi

Bhuk aur ehtiyaj kal degi

Is liye ai sharif insano

Jang talti rahe to behtar hai

Aap aur hum sabhi ke aangan mein

Shama jalti rahe to behtar hai

 

Bartari ke subut ki khatir

Khoon bahana hi kya zaruri hai

Ghar ki tarikiyan mitane ko

Ghar jalana hi kya zaruri hai

Jang ke aur bhi to maidan hain

Sirf maidan-e-kisht-o-khoon hi nahin

Hasil-e-zindagi khirad bhi hai

Hasil-e-zindagi junun hi nahin

Aao is tira-bakht duniya mein

Fikr ki raushni ko aam karen

Amn ko jin se taqwiyat pahunche

Aisi jangon ka ehtimam karen

Jang wahshat se barbariyyat se

Amn tahzib o irtiqa ke liye

Jang marg-afrin siyasat se

Amn insan ki baqa ke liye

Jang iflas aur ghulami se

Amn behtar nizam ki khatir

Jang bhatki hui ka qayaadat se

Amn be-bas awam ki khatir

Jang sarmae ke tasallut se

Amn jamhur ki khushi ke liye

Jang jangon ke falsafe ke khilaf

Amn pur-amn zindagi ke liye